އިސްލާމިކް މިނިސްޓަރުގެ ޓްވިޓަރ އެކައުންޓް އަނބުރާ ހޯއްދަވައިފި

އިސްލާމިކް މިނިސްޓަރުގެ ޓްވިޓަރ އެކައުންޓް އަނބުރާ ހޯއްދަވައިފިއެވެ.

މިނިސްޓަރުގެ ޓްވިޓަރ އެކައުންޓުން ކުރެއްވި ޓްވީޓެއްގައި ވިދާޅުވެފައި ވަނީ ޓްވިޓަރ އެކައުންޓް އަނބުރާ ލިބިވަޑައިގެންފައި ވާކަމަށާއި، އެކަމާ އުފާފުޅު ކުރައްވާ ކަމަށެވެ. އެހެން ކަމުން ހުރިހާ ރަޙުމަތްތެރިންނަށް އަލުން މަރުޙަބާ ދަންނަވާ ކަމަށް މިނިސްޓަރު ވިދާޅުވެފައި ވެއެވެ.

Twitter Account alun recover kurevunu kamee libunu varah bodu ufaleh. Emmehaa ekuverinah maruhabaa! pic.twitter.com/3YWLaz5Y5y

— د.محمد شهيم علي سعيد (@Mohamedshaheem1) December 31, 2014

އަދި އޭގެ ފަހުން އެ އެކައުންޓުން ވަނީ ޢަރަބި ބަހުން ގިނަ ޢަދަދެއްގެ ޓްވީޓް ތަކެއް ކުރައްވާފައެވެ

މިނިސްޓަރު ވިދާޅުވީ އެމަނިކުފާނުގެ ޓްވިޓަރ އެކައުންޓް ހެކްކުރި ފަރާތްތަކަށްވެސް ހެޔޮ ދުޢާ ކުރައްވާ ކަމަށާއި އެމަނިކުފާނު އެދިވަޑައިގަންނަވަނީ ހުރިހާ ފަރާތްތަކަށްވެސް ހެޔޮގޮތް މިންވަރު ކުރެއްވުމަށް ކަމަށެވެ.

އިސްލާމިކް މިނިސްޓަރު މުހައްމަދު ޝަހީމްގެ ޓްވިޓާ އެކައުންޓް ހެކް ކުރުމާއި ގުޅިގެން ޝަހީމްގެ ފޭސްބުކް ޕޭޖުގައި އިއްޔެ އާންމުކޮށްފައިވާ ޕޯސްޓެއްގައި ވިދާޅުވީ އިއްޔެރޭގެ 11:00 ގެ ފަހުން އޭނާގެ ޓްވިޓަ އެކައުންޓް ހެކޮށްފައިވާ ކަމަށާއި އެހެންކަމުން އޭގެ ފަހުން އޭނާގެ ޓްވިޓަ އެކައުންޓަށް ނުވަދެވޭ ކަމަށެވެ.

ޝަހީމްގެ ޓްވިޓަ އެކައުންޓް ހެކް ކުރި ފަހުން އެ އެކައުންޓުން ވަނީ ޓްވީޓްވެސް ކޮށްފަ އެވެ.

އެތަނުން ޓްވީޓްއެއްގައި ބުނެފައިވަނީ "ޝޯން ޕޯލްގެ އާ އަހަރު ފާހަގަ ކުރާ ޝޯއަށް އަޅުގަނޑާއި އަދި އަޅުގަނޑުގެ އަހުން ދެކޮޅުކަން ހުރިހާ ދިވެހިން އަހުންނަށް އަންގަން" ކަމަށެވެ.