އދ. ދިގުރަށުގައި ކޮމިއުނިޓީ ބޭސްޑް ޑިޒާސްޓަރ ރިސްކް ރިޑަކްޝަން ޕްރޮގްރާމެއް މިއަދު ފަށައިފިއެވެ.
މި ޕްރޮގްރާމް ފެށުމުގެ ގޮތުން ބޭއްވުނު ރަސްމިއްޔާތު ޝަރަފުވެރި ކޮށްދެއްވީ މާލެ އޭރިއާ ޑެޕިއުޓީ ކޮމާންޑަރ ލެފްޓިނަންޓް ކާނަލް އަބްދުﷲ އިބްރާޙީމެވެ.
ދިގުރަށު ސްކޫލްގައި ހިންގާ މި ޕްރޮގްރާމަކީ އެމްއެންޑީއެފް މާލެ އޭރިއާ އާއި ނޭޝަނަލް ޑިޒާސްޓަރ މެނޭޖްމަންޓް ސެންޓަރާއި އދ. އަތޮޅު ކައުންސިލާއި ދިގުރަށް ކައުންސިލާއި ޖަމްޢިއްޔާތައް ގުޅިގެން ހިންގޭ ޕްރޮގްރާމެކެވެ.
މި ޕްރޮގްރާމަކީ ގުދުރަތީ ކާރިސާތަކުން ލިބޭ ގެއްލުންތައް ކުޑަ ކުރުމާއި އެފަދަ ކާރިސާތަކުން ލިބޭ ގެއްލުންތަކުން ސަލާމަތްވުމަށް އެޅިދާނެ ފިޔަވަޅުތައް އަންގައިދިނުމުގެ މަޤްޞަދުގައި ހިންގޭ ޕްރޮގްރާމެކެވެ.
މިމަހުގެ 28 ން ޖެނުއަރީ 1އަށް ހިންގޭ މި ޕްރޮގްރާމްގައި ޖުމްލަ 38 ބައިވެރިން ބައިވެރިވެފައިވެއެވެ. މި ވޯކްޝޮޕްގައި މުދައްރިބުންގެ ގޮތުގައި ހަރަކާތްތެރިވަނީ އެމްއެންޑީއެފްގެ ސިފައިންނެވެ.
ކޮމެންޓް (0)
ލޯޑް ކުރަމުން...