ދިވެހިރާއްޖެއަށް ޚާއްސަކުރެވިގެން ޕްރިންޓް ކުރުމަށް ހަމަޖެހިފައިވާ މުސްހަފް ޗާޕްކުރުމުގެ މަޝްރޫއަށް އެލައިޑް އިންޝުއަރެންސް ކުންފުނިން 115000 ރުފިޔާ ހަދިޔާ ކޮށްފިއެވެ.
މިކަން ހާމަ ކުރައްވައި އިސްލާމިކް މިނިސްޓަރު ކުރެއްވި ޓްވީޓެއްގައި ވިދާޅުވީ، ރާއްޖެ އަށް ޚާއްޞަ މުސްހަފް ޗާޕްކުރުމުގެ މަޝްރޫއަށް އެލައިޑް އިންޝުއަރެންސް ކުންފުނިން 115000 ރުފިޔާ ހަދިޔާ ކޮށްފައި ވާކަމަށެވެ.
އެލައިޑުން މިހާ ދީލަތި އެހީތެރި ކަމެއް މުސްޙަފު ފަންޑަށް ފޯރު ކޮށްދީފައި ވާތީ އިސްލާމިކް މިނިސްޓަރު ވަނީ އެލައިޑަށް ޝުކުރު އަދާކުރައްވާ އިތުރު ޓްވީޓެއް ކުރައްވާފައެވެ.
Allied Insurance In Mus-haf Mashroouah 1 Lakka Rufiyaa Hadhiyaa Koffi http://t.co/REdcor7k6z pic.twitter.com/c1y1mFHgI6
— Vaguthu (@VaguthuMV) December 25, 2014
ރާއްޖެއަށް ހާއްސަ މުސްހަފެއް ޗާޕް ކުރުމަށް އިސްލާމިކް މިނިސްޓްރީ އާއި ބަހުރެއިންގެ ގުރުއާން ކެއާ ސޮސައިޓީއާއި ކީރިތި ގުރުއާނާއި ބެހޭ މަރުކަޒާއި ދިއިސްލާމާއި މައިލް ޖަމިއްޔާގެ އިތުރުން މަހަލްދީބު ފައުންޑޭޝަނުން ގުޅިގެން ކުރިޔަށް ގެންދާ މަޝްރޫޢަށް ގިނަ ބައެއްގެ އެހީތެރިކަން ލިބެމުން ދާކަން މިނިސްޓަރު ވަނީ ފާހަގަ ކުރައްވާފައެވެ.
ެމީގެ އިތުރުން މުސްޙަފް ފަންޑަށް ބޭންކް އެކައުންޓެއް މެދުވެރިކޮށް ފައިސާ ހަދިޔާ ކުރެވޭނެ އިންތިޒާމް މިހާރު ހަމު ހަމަޖައްސާފައިވާއިރު ދިރާގާއި އުރީދޫގެ ފޯނު ތަކުންވެސް ފަންޑަށް ފައިސާ ޖަމާކުރެވޭނެ އިންތިޒާމް ވަނީ ހަމަޖައްސާފައެވެ.
ރާއްޖެ އަށް ޚާއްޞަ ކޮށްގެން އަލަށް ޗާޕްކުރާ މުސްޙަފް މާލްދީފް ރަސްމީކޮށް ނެރެން ނިންމާފައި ވަނީ ރާއްޖޭގެ މިނިވަންކަމަށް ފަންސާސް އަހަރު އަންނަ އަހަރު ފުރޭ މުނާސަބަތާއި ގުޅުވައިގެންނެވެ.
ކޮމެންޓް (0)
ލޯޑް ކުރަމުން...