" ރާއްޖެ އަށް ބޭނުންވަނީ ހަމައެކަނި އިސްލާމީ މަޝްރޫޢު ތަކެއް ނޫން " ކަމަށް ވިދާޅުވެ އިސްލާމިކް މިނިސްޓަރު ޑރ މުޙައްމަދު ޝަހީމް އިއްޔެ ދެއްކެވި ވާހަކަފުޅު އެމަނިކުފާނު ޝަރަހަ ކޮށްދެއްވައިފި އެވެ.
މި ވާހަކަފުޅު ޝަރަހަ ކޮށްދެއްވަމުން އިސްލާމިކް މިނިސްޓަރު ޑރ މުޙައްމަދު ޝަހީމް ވިދާޅުވީ، ރާއްޖެ އަށް ބޭނުންވަނީ ހަމައެކަނި އިސްލާމީ މަޝްރޫޢުތައް ނޫން ކަމަށް ވިދާޅުވީ އިޖުތިމާޢީ އަދި އިޤުތިސޯދީ ދާއިރާއިން ވެސް އިސްލާމީ ޤައުމު ތަކުން ރާއްޖޭގައި އިންވެސްޓް ކުރުމުގެ ފުރުޞަތުތައް ހުރިކަން ހާމަ ކޮށްދެއްވުމަށް ކަމަށެވެ.
މިނިސްޓަރު ވިދާޅުވީ ރާއްޖެއަށް ބޭނުންވަނީ ހަމައެކަނި އިސްލާމީ މަޝްރޫޢުތައް އެކަނި ނޫން ކަމަށް ވިދާޅުވީ އިސްލާމް ދީނާއި ދެކޮޅު ކަންކަން ރާއްޖެ އަށް ގެނައުމަށް ނޫން ކަމަށާއި، މިސްކިތް ތައް ޢިމާރާތް ކުރުމާއި، ކީރިތި ޤުރުއާނާއި ބެހޭ ތރަފާތު ޕްރޮގްރާމް ތައް ހިންގުން ފަދަނ ދީނީ ކަންކަމުގެ އިތުރުން ދިވެހިންނަށް ބޭނުންވާ އެއާޕޯޓް ތަކާއި ބަނދަރުތައް ޤާއިމު ކުރުން ފަދަ މަޝްރޫޢު ތަކުގައި ބައިވެރި ވުމުގެ ފުރުޞަތު ތައްވެސް ޢަރަބި އިސްލާމީ ޤައުމު ތަކަށް އޮތްކަން ހާމަ ކޮށްދެއްވުމަށް ކަމަށެވެ.
މިނިސްޓަރުގެ މި ވާހަކަފުޅު އެމަނިކުފާނު ޝަރަހަ ކޮށްދެއްވާފައި ވަނީ ވާހަކައިގެ އަސްލު އޮޅޭ ގޮތަށް ބައެއް ފަރާތްތަކުން އެ ވާހަކަތައް ފަތުރަމުން ގެންދަނިކޮށެވެ. އެގޮތުން ސޯޝަލް މީޑިޔާގައި ވެސް އިއްޔެ އެންމެ ހިނގާﷲައިވާ މައުޟޫއަކަށް މި މަޢުޟޫ ވަނީ ވެފައެވެ.
ކޮމެންޓް (0)
ލޯޑް ކުރަމުން...