ކުކުޅު މަދު ރިހަ

ބޭނުންވާ ތަކެތި:

1 ކިލޯ ކުކުޅު (ކަށިނެގުމަށްފަހު ކުދިކޮށް ކޮށާފައި)

ފޮޓޯ: ޝޯމީދަކަރީ.ކޮމް
3 މޭޒުމަތީ ސަމުސާ ކޮތަނބިރި
3 މޭޒުމަތީ ސަމުސާ ކާދިރި
5 ހިކިމިރުސް
ކުޑަ އަސޭމިރުސްކޮޅެއް
2 ކާށި ހުނި
5 ލޮނުމެދު
2 ހިކަނދިފަތް
ކުޑަ ރާނބާފަތް ކޮޅެއް
ކުޑަ ފޮނިތޮށި ކޮޅެއް
5 ޓޮމާޓޯ
5 ފިޔާ
4 ތޮޅިމިރުސް
ކުޑަ ތެޔޮ ފޮދެއް
ކުޑަ ކާފޫރުތޮޅި ކޮޅެއް

ހައްދަވާނެ ގޮތް:

- ކުކުޅު މަދު ރިހަ ހެއްދެވުމަށް ފުރަތަމަ ހުރިހާ ހަވާދުގެ ބާވަތްތައް ތަވައެއްގައި ހަނާކޮށްލައްވާށެވެ. ހަވާދުކޮޅު ހިހޫވުމުން ގްރައިންޑަރުން ރަނގަޅަށް ކުޑަ ފެންފޮދެއް އަޅުއްވައިގެން ހިމުންކޮށް މުގުރާލައްވާށެވެ.
- ދެން ގާނާފައިހުރި ކާށިހުންޏާއި ހިކަނދިފަތްކޮޅުވެސް ތަވައެއްގައި މަޑުގިނީގައި ކުޑަކޮށް ކުލަ އަރަންދެން ހަނާކޮށްލައްވާށެވެ. ހަނާކުރި ކާށިހުނިކޮޅު ކުޑަކޮށް ހިހޫވުމުން ބްލެންޑަރުގައި 2 ޖޯޑު ފެނުގައި ރަނގަޅަށް ގިރާލުމަށްފަހު ކިރު ނަންގަވާށެވެ.
- ދެން ތެޔޮފޮދުގައި ފިޔާ، ތޮޅިމިރުސް، ލޮނުމެދު އަދި ފޮނިތޮށި ކާފޫރުތޮޅި އަދި ރާނބާފަތް، ޓޮމާޓޯ ރަތްކޮށްލައްވާށެވެ. އެއަށްފަހު މުގުރާފައި ހުރި ހަވާދާއި ކުކުޅު އެޅުމަށްފަހު މަޑުގިނީގައި މަތިޖައްސަވާގެން ދެބައި ހަމަޔަށް ރޯފިލާވަރަށް ކައްކާލައްވާށެވެ. އެއަށްފަހު ކާށިކިރު އެޅުމަށްފަހު ކައްކާލައްވާށެވެ.