2011 މާރޗް މަހު ސޫރިޔާގައި ފެށިގެން ދިޔަ ހަމަނުޖެހުންތަކަށް 1000 ދުވަސްވީ އިރުވެސް އެޤައުމުގެ ރައްޔިތުންނާއި ދެކޮޅަށް ބައްޝާރު އަސަދުގެ ލަޝްކަރުތަކުން ހިންގަމުންދާ ޤަތުލް ޢާއްމުތަކަށް ބަދަލެއް އައިސްފައި ނުވެއެވެ.
ބައްޝާރު އަސަދުގެ އަނިޔާވެރިކަމުގައި ހިނގަމުންގެންދާ ލާއިންސާނީ މިޖަރީމާގައި މިހާތަނަށް ސޫރިޔާގެ 120000 އަށްވުރެ ގިނަ ރައްޔިތުންވަނީ މަރުވެފައެވެ. އަދި 2 މިލިޔަނަށްވުރެ ގިނަ ރައްޔިތުންވަނީ އަމިއްލަ ޤައުމު ދޫކޮށް އެހެން ޤައުމުތަކަށް ރެފިއުޖީންގެ ގޮތުގައި ހިޖުރަ ކޮށްފައެވެ.
އ.ދ ގެ ތަފާސްހިސާބުތަކުން ދައްކާގޮތުގައި ހުސްވި ނޮވެމްބަރު މަހުގައި ސޫރިޔާގައި ބަނޑުހައި ހޫނުކަން ތަހައްމަލް ކުރަމުންދާ ރައްޔިތުންގެ ތެރެއިން 3.4 މިލިއަން ރައްޔިތުންނަށް ކާބޯތަކެތި އެޖަމާއަތުންވަނީ ފޯރުކޮށްދީފައެވެ. އަދި ކާބޯތަކެތި ފޯރުކޮށް ނުދެވޭ އެތައް މިލިޔަން ބަޔަކު ސޫރިޔާ ތެރޭގައި ތާށިވެފައިވާ ކަމަށް އެޖަމާޢަތުން ހާމަކުރެއެވެ.
ކޮމެންޓް (0)
ލޯޑް ކުރަމުން...