14 އަހަރުގެ ކުޑަ އަންހެން ކުއްޖަކާ ގަދަކަމުން ބަދުއަޚުލާގީ އަމަލު ހިންގިކަން ސާބިތުވި މީހަކު 10 އަހަރަށް ޖަލަށްލުމަށް ކްރިމިނަލް ކޯޓުން އިއްޔެ ހުކުމްކޮށްފި އެވެ.
ކްރިމިނަލް ކޯޓުން އިއްޔެ ހުކުންކޮށްފައިވަނީ އދ. މަހިބަދޫ ދިލްދާރުގޭ، އިބްރާހިމް މުއީންގެ މައްޗަށެވެ.
މުއީންގެ މައްޗަށް އެ ހުކުމްކޮށްފައިވަނީ 2011 ވަނަ އަހަރުގެ ޖެނުއަރީ މަހުގެ ދުވަހެއްގައި އެ އަންހެން ކުއްޖާ ކޮޓަރީގައި އުޅެނިކޮށް އެ ކޮޓަރިއަށް ވަދެ ތަޅުލައިގެން ހުރެ ގަދަކަމުން ބަދުއަޚުލާގީ އަމްލު ހިންގާފައި ވާކަމަށް ސަރީއަތައް ސާބިތު ވުމުންނެވެ.
މުއީންގެ މައްޗަށް 10 އަހަރުގެ ޖަލު ހުކުމެއް އިއްވާފައިވާއިރު، އޭނާގެ މައްޗަށް ދައުލަތުން ދައުވާކޮށްފައިވަނީ ކުޑަކުދިންނާ މެދު ޖިންސީ ގޯނާކުރާ މީހުންނާ މެދު ހާއްސަ އުސޫލުތަކަށް އަމަލުކުރުމުގެ ގާނޫނުގެ ތިން ވަނަ މާއްދާގެ ހ. އާއި ހަވަލާދީ އެ މާއްދާގެ ނ. ގެ ދަށުންނެވެ.
ކޮމެންޓް (0)
ލޯޑް ކުރަމުން...