ޕާސްޕޯޓް ގެއްލިގެން ޖިއްދާ އެއާޕޯޓްގައި މަޑުކުރި ހައްޖުވެރިޔާ މާލެ އަތުވެއްޖެ

ދިއިސްލާމް ފޮޓޯ : ޝަފީއު އަބްދުﷲ

ސަފާ ހައްޖު އުމްރާ ގުރުއްޕުގެ ހަވާލުގައި ހައްޖައްދިޔަ ށ. މިލަންދޫ ހުސެއިން އިބްރާހިމް ޕާސްޕޯޓް ގެއްލިގެން މާލެނާދެވި މަޑު ކުރުމަށްފަހު މިއަދު ހެނދުނު 08:30 ގައި މާލެ އަތުވެއްޖެއެވެ.

ދިއިސްލާމަށް މައުލޫމާތު ދެއްވަމުން އަބުދުﷲ ނަސީމް ވިދާޅުވީ ހުސެން އިބްރާހިމް މާލެ ގެނެސްފައިވަނީ ސަފާގުރުއްޕުގެ ބެލުމުގެ ދަށުންކަމަށާއި ހުސެން އިބްރާހިމްގެ ޕާސްޕޯޓް ފެނިފައިވަނީ އެ ޖަމާއަތުން ހައްޖަށްދިޔަ އެހެން މީހެއްގެ ދަބަހުންކަމަށެވެ.

މިއަހަރު ހައްޖުވުމަށް ސަފާ ގުރުއްޕުގެ ފަރާތުން 124 މީހުން ގޮސްފައި ވާއިރު ބާކީތިބި 123 މީހުން މާލެ އައިސްފައިވަނީ މިމަހުގެ 8ވަނަ ދުވަހުގައެވެ.