ޢަދާލަތު ޕާޓީގެ އަންހެނުންގެ މަޖިލީހުން އަންހެން ބޭފުޅުންނަށް ޚާއްޞަ ދަރުސެއް ބޭވުމަށް ހަމަޖެހިފައިވާކަމަށް ޢަދާލަތު ޕާޓީގެ އަންހެނުންގެ މަޖިލީހުން ހާމަކުރައްވައިފިއެވެ.
ދިއިސްލާމްއަށް ހަބަރު ލިބިފައިވާގޮތުގައި ޢަދާލަތު ޕާޓީގެ އަންހެނުންގެ މަޖިލީހުން، ކޮންމެ ހަފުތާއަކު ހޮނިހިރު ދުވަހެއްގައި ސިލްސިލާކޮށް ކުރިއަށްގެންދާ ދަރުސް ޕްރޮގުރާމުގެ ދަށުން ހޮނިހިރު ދުވަހު ހަވީރު، މަދަރަސަތުލް އަމީރު އަޙްމަދު (ހެންވޭރު ސުކޫލު) ގައެވެ. "އަޙްލާޤް ކިހާ މުޙިއްމުބާ؟" މިމަޢުޟޫއަށް އައްޝައިޚާ އަނާރާ ނަޢީމު ދެއްވާ މިދަރުސްގައި، ވީހާވެސް ގިނަ އަންހެންބޭފުޅުން ވަޑައިގެންނެވުމަށް ޢަދާލަތު ޕާޓީގެ އަންހެނުންގެ މަޖިލީހުން އެދިލައްވައެވެ.
ޢަދާލަތު ޕާޓީގެ އަންހެނުންގެ މަޖިލީހުން އަންހެންބޭފުޅުންނަށްޓަކައި ކުރިއަށް ގެންދާ ސިލްސިލާ ދަރުސް ޕްރޮގްރާމަކީ، މީގެ އަހަރު ތަކެއް ކުރިން ފެށިގެން ކުރިއަށްގެންދާ ޕްރޮގްރާމެކެވެ. ދާދި ފަހަކާއި ޖެހެންދެން މިޕޮރޮގުރާމް ކުރިއަށް ގެންދިޔައީ ޢަދާލަތު ޕާޓީ އޮފީހުގެ ޖަލްސާ ކުރާމާލަމުގައެވެ.
advertisment
އިސްލާމްދީނުގެ ކަންތައްތައް ކުރިއަރުވަން ތިޔަ ކުރައްވާ މަސައްކަތްތަކަށް ކުރިއެރުމާއި ނަޞްރުދެއްވުން އެދި ދުޢާކުރަމެވެ. އަޅުގަނޑު މި ކޮމެންޓް މި ލިޔަނީ ވ. ބޮޑު މުހިންމު ވާހަކައެއް ދަންނަވައިލުމުގެ މަޤުޞަދުގައެވެ. މިހާރު ރާއްޖެއިން އަންހެނުން ޙައްޖަށް ގެންދިޔުމުގައި ހެދިފައިވާ ޤަވާޢިދާ ބެހޭގޮތުންނެވެ. އެ ޤަވާޢިދުގައި ބުނާގޮތުން މަޙްރަމަކާއެކު ނޫނީ އަންހެނަކު ޙައްޖަކަށް ނުގެންދެއެވެ. މި ކަމަކީ އަޅުގަނޑުވެސް ތާއީދުކުރާ ރަގަޅު ކަމެކެވެ. އެހެން ނަމަވެސް މިކަމުގައި ބައެއްކަހަލަ ދަތިތަކަކާއި ހުރަސްތަކެއް ދިމާވާތީ ދަންނަވަމެވެ. ޙައްޖަށް މިހާރު ދެވެނީ ވ. ބޮޑު ޚަރަދެއްކޮށްގެން އެކަމަކަށްޓަކައި ވ. ބޮޑަށް ތައްޔާރުވެގެންނެވެ. ކޮންމެ އަންހެނަކު ޙައްޖަށްދާން ތައްޔާރުވާއިރު ދެމީހުންގެ ފައިސާ ހޯދާނީ ކިހިނެއްތޯއެވެ. ނޫނީ ކޮންމެ އަންހެނަކާއެކު އޭނަގެ ފިރިމީހާ، ނުވަތަ ބައްޕަ، ނުވަތަ އެއްބަނޑު އެއްބަފައި ބޭބެ ނުވަތަ ކޮށްކޮއަކަށް މިވަރުގެ ބޮޑު ޚަރަދެއްކޮށްގެން ދެވެން އޮންނާނެތޯއެވެ. މިހާރު ވ. ގިނަ އަންހެނުން މިފަދަ ތަނަވަސްކަމެއް ނެތިގެން މި ބަރަކާތްތެރި ހަމަ އެހާ މުހިންމު އަޅުކަމުން މަޙްރޫމުވެފައި ތިބޭތަން އަޅުގަނޑުމެންގެ މުޖުތަމަޢުން އެބަ ފެނެއެވެ. އެފަދަ ހުރިހާ ކަނބަލުންވެސް ތިބެނީ ކަރުނައަޅައިފައެވެ. އަޅުގަނޑަށް ހީވާގޮތުގައި ތިޔަ ބޭފުޅުންވެސް މިކަމާމެދު ރަނގަޅަށް ވިސްނާވަޑައިގެންފިނަމަ ތިޔަ ބޭފުޅުންގެ އެއްބަނޑު، ނުވަތަ މަންމަ، ނުވަތަ ދައްތަފަދަ މީހަކު މިކަމުން މަޙުރޫމުވާކަށް ބޭނުންފުޅެއްނުވާނެއެވެ. ވީމާ ދަންނަވަމެވެ. މިއީ މާތްﷲ އެކަލާނގެ ހެޔޮ އަޅުތަކުންނަށް ދެއްވާ އަގުހުރި ނަޞީބެކެވެ. މިފަދަ ނަޞީބެއް ލިބެނީވެސް ވ. މަދު ބަޔަކަށެވެ. މި ނަޞީބުން މިކަމަށްއެދޭ އެކަކުވެސް މަޙުރޫމުވާކަށް ނޭދޭނެއެވެ. ޚުދު ތިޔަ ބޭފުޅުންނެއްވެސް ނޭދޭނެއެވެ. މި ތަނަވަސްކަން ލިބިފައި މަޙުރަމަކު ލިބެންދެން ހުއްޓައި މިކަން ނުވެ މަރުވެ، ނުވަތަ ޙާލަތު ބަދަލުވެ، ނުވަތަ ދުވަހެއް ދުވަހަކަށްވުރެ މި ޚިދުމަތުގެ އަގު ބޮޑުވެގެން މިކަމުން މަޙްރޫމްވުން މިހިރީ ނުވެ ނުދާނެ ކަންތައްތަކެވެ. ވީމާ އިސްލާމްދީނާއި އަންހެނުންގެ ދީނީ ކަންތައްތައް ކުރިއެރުވުމަށް މަސައްކަތްކުރާ މިފަދަ ދަނޑިވަޅެއްގައި މިކަމުގައި މަސައްކަތްކުރާ ހުރިހާ ފަރާތްތަކުންވެސް މިކަމާމެދު ވިސްނާވަޑައިގެން މި ޤަވާޢިދު މިއަށްވުރެ ރަނގަޅު ގޮތަކަށް އިޞްލާޙްވޭތޯ ބައްލަވައިދެއްވައި
އިސްލާމިކްއެފެއަރޒް އާއި ޙައްޖަށް މީހުންގެންދާ ޖަމާޢަތްތަކާއި، އިސްލާމްދީނުގެ ޙައްޤުގައި މަސައްކަތްކުރައްވާ ސަލަފުއްޞާލިޙުންގެ ކިބައިން މިކަމަށް ކުރިމަގެއްފެނޭތޯ މަސައްކަތްކޮށްދެއްވުމަށް ވ. އާދޭހާއެކު ދަންނަވަމެވެ. އަދި މި ކޮމެންޓަށް ދެއްވާ ޖަވާބެއް އަޅުގަނޑަށް މެއިލް ކޮށްލާދެއްވުންވެސް އެދެމެވެ. އަޅުގަނޑުގެ އުއްމީދަކީ އަޅުގަނޑުގެ އެދުމަކީވެސް މިކަމުގައި ތިޔަ ހުރިހާ ބޭޅުންވެސް ރަނގަޅުގޮތަކަށް ވިސްނާވަޑައިގެން 1432ވަނަ އަހަރު ޙައްޖަށްދާން ގްރޫޕްތަކުން ފައިސާ ދެއްކުމުގެކުރިން މިކަމާމެދު ވިސްނާވަޑައިގެން ގޮތެއް ނިންމަވައިދެއްވާނެކަމުގައެވެ.
Alhugandah ingifaivaa gothugai makhramakaa nulaaves gina anhenun ekulevey jamaa-athakaa eku muslim anhenun dhigu dhathuru kuumakee hudhdha kamekeve. Veemaa hajjah dhaa meehunnah ves mi furusathu othumakee rangalhukamakah vaanekamah fene eve. Mikamuga dheenee ilmuveringe lafaa varah muhinmeve. Emme molhah dhenevodigen vanee Allah swt eve.