މާތް ﷲ ވަޙީ ކުރެއްވިއެވެ. ﴿وَآتُوهُم مِّن مَّالِ اللَّهِ الَّذِي آتَاكُمْ﴾ (سورة النور 33) މާނައީ: "އަދި ތިޔަބައިމީހުންނަށް ދެއްވާފައިވާ ﷲ ގެ މުދަލުން، ތިޔަބައިމީހުން އެއުރެންނަށްދޭށެވެ!" ދެންފަހެ އިންސާނާ ﷲ ގެ ޙަޟްރަތުން މަދަދަށްއެދޭހާލު އެކަލާނގެ މަގުގައި ހޭދަކުރާ މުދަލަކީ ގެއްލިގެންދާ އެއްޗެއްނޫނެވެ. އެއީ ދުނިޔޭގައި އޭނާގެ މުދަލަށްވާ ޠާހިރުކަމެކެވެ. އަދި އާޚިރަތުގައި އޭނާއަށްވާ ބާއްޖަވެރިކަމެކެވެ. މާތް ﷲ ގެ މަގުގައި ހޭދަކުރާމީހާއާ ބެހޭގޮތުން އެކަލާނގެ ވަޙީ ކުރެއްވިއެވެ. ﴿مَّثَلُ الَّذِينَ يُنفِقُونَ أَمْوَالَهُمْ فِي سَبِيلِ اللّهِ كَمَثَلِ حَبَّةٍ أَنبَتَتْ سَبْعَ سَنَابِلَ فِي كُلِّ سُنبُلَةٍ مِّئَةُ حَبَّةٍ وَاللّهُ يُضَاعِفُ لِمَن يَشَاء وَاللّهُ وَاسِعٌ عَلِيمٌ﴾ (سورة البقرة 261) މާނައީ: "ﷲ ގެ މަގުގައި، އެއުރެންގެ މުދާ ހޭދަކުރާ މީހުން ހޭދަކުރާ ތަކެތީގެ مثالއީ، ކޮންމެ ކުރާގަނޑެއްގައި ސަތޭކަ އޮށް ހުންނަ ހަތް ކުރާގަނޑު އުފައްދާ އޮށެއްގެ مثال އެވެ. ﷲ އިރާދަކުރައްވާ މީހަކަށް (ثواب) ގިނަގުނަ ކުރައްވައެވެ. އަދި، ﷲއީ، ތަނަވަސްވަންތަ، މޮޅަށް ދެނެވޮޑިގެންވާ ރަސްކަލާނގެއެވެ."
ކޮމެންޓް (0)
ލޯޑް ކުރަމުން...