މިދިޔަ ހުކުރުދުވަހުން ފެށިގެން މިސްރުގު ތަޚްރީރް މައިދާނުގައި އެޤައުމުގެ އަސްކަރީ ސިފައިންނާ އާންމުންނާ ދެމެދު ހިނގަމުންދާ ހަމަނުޖެހުންތަކުގައި އަންހެނުންނާ މެދު އިހާނެތި ގޮތްތައް ހަދަމުންދާކަމަށްބުނެ އެތައްހާސް އަންހެނުން، ރޭ އެޤައުމުގެ ވެރިރަށް ކައިރޯގެ މަގުތަކަށް ނިކުމެ ނުރުހުންފާޅުކޮށްފިއެވެ.
އެކިއެކި ބެނާތަކާ ލިޔުންތަކާއެކު ނުކުމެ ސިފައިންނަށް އެމީހުން ގޮވާލައިފައިވަނީ އަންހެނުންނަށް އިހާނެތިގޮތެއްގައި އަނިޔާނުކުރުމަށާއި ވަގުތުން ވަގުތައް ތަޙްރީރް މައިދާނުގައި އާންމުންނާ ދެކޮޅަށް އެބައިމީހުން ކުރަމުންދާ އަނިޔާތައް ވަގުތުން ވަގުތައް ހުއްޓާލުމަށެވެ. މިސްރުގެ މަގުތަކަށް އެތައްހާސް އަންހެނުން ނިކުމެފައި މިވަނީ ތަޚްރީރް މައިދާނުގައި އެއްވެ އުޅުން އަންހެނެއްގެ ބޮލުގެ އިސްތަށިގަނޑުގައި ހިފައި އަނިޔާކޮށް އޭނާ މަތިން ލައިގެންހުރި ހެދުން ބާލައިފައިވާ ފޮޓޯތަކާއި ވީޑިއޯތައް އާންމުވެފައިވުމާ ގުޅިގެންނެވެ. މީގެ އިތުރުންވެސް މިހާރު ކުރިއަށްދާ ހަމަނުޖެހުމުގައި ހައްޔަރުކޮށްފައިވާ ވަރަށް ގިނަ އަންހެނުން އެމީހުންނަށް އަނިޔާކުރާކަމަށް ބުނެފައިވާކަމަށް ޚަބަރުތައް ބުނެއެވެ.
ކޮމެންޓް (0)
ލޯޑް ކުރަމުން...