ޖަޕާނުގެ އުތުރަށް މިއަދު ވަރުގަދަ ބިންހެލުމެއް އަތުވެއްޖެ

ލިޔުނީ: އަލީ އަހްސަން

ޖަޕާނުގެ އުތުރަށް މިއަދު ވަރުގަދަ ބިންހެލުމެއް އަތުވެއްޖެއެވެ.

މިއަދު ހެނދުނުގެ ވަގުތެއްގައި އައި މިބިންހެލުމަކީ 6.3 ގެ ބާރު މިނުގައި އައި ބިންހެލުމެއް ކަމަށް ހަބަރުތަކުން ބުނެއެވެ. އެއްވެސް ގެއްލުމެއް ލިބިފައިވާކަމުގެ ރިޕޯޓް މިހާތަނަށް ލިބިފައިނުވާކަމަށް ޖަޕާނުގެ ކަމާއިބެހޭ ފަރާތްތަކާއި ހަވާލާދީ މީޑިއާތަކުން ބުނެއެވެ.

ޖަޕާން އަކީ ދުނިޔޭގައި އެންމެ ގިނަ ބިންހެލުން އަންނަ ޤައުމުތަކުގެ ތެރޭގައި ހިމެނޭ ޤައުމެކެވެ. 1995 ވަނަ އަހަރު 7.2 ގެ ބާރު މިނުގައި އައި ބިންހެލުމެއްގައި 6400 މީހުން މަރުވެ އެތައް ގެއްލުމެއް ލިބިފައިވެއެވެ.