ކޯޕެންހޭގަން (1 ސެޕްޓެމްބަރ 2011) : ޑެންމާކުގެ ދެވަނައަށް އެންމެ ބޮޑު އިދިކޮޅު ޕާޓީ ކަމަށްވާ ޑެންމާކް ސޯޝަލިސްޓް ޕީޕަލްސް ޕާޓީ އިން ފަލަސްޠީން ދަޢުލަތެއްގެ ގޮތުގައި ބަލައިގަތުމަށް ތާޢީދުކޮށްފިއެވެ.
މިކަމާއި ބެހޭގޮތުން ޑެންމާކް ސޯޝަލިސްޓް ޕީޕަލްސް ޕާޓީގެ ލީޑަރު ވިލީ ސޮވެންޑަލް ވިދާޅުވީ ފަލަސްޠީން ޤައުމެއްގެ ގޮތުގައި ބަލައިގަތުން އެއީ މުހިއްމު ކަމެއް ކަމާށާއި އަދި ޖެނަރަލް އެސަމްބްލީ އިން ވެސް ފަލަސްޠީން މިނިވަން ޤައުމެއްގެ ގޮތުގައި ބަލައިގަތުން އެއީ ކޮންމެހެން ކުރަން ޖެހޭ ކަމެއް މަކަށެވެ.
"އަޅުގަނޑުމެންނަށް އެބަ ފެނޭ ވަރަށް ގިނަ ޤައުމުތަކުން ފަލަސްޠީނު މިނިވަން ޤއުމެއްގެ ގޮތުގައި ޤަބޫލުކުރަމުންދާތަން. އަޅުގަނޑު އުއްމީދު ކުރަނީ ޔޫނިއަންގެ ޤައުމުތަކުންވެސް ފަލަސްޠީނު ދަޢުލަތެއްގެ ގޮތުގައި ބަލައިގަނެ، ސެޕްޓެމްބަރު މަހުގައި ޖެނެރަލް އެސެމްބްލީގައި ފަލަސްޠީނަކީ ދަޢުލަތެއްގެ ގޮތުގައި ބަލައިންގަންނާނެ ކަމަށް" މިދިޔަ ބުދަ ދުވަހު ޑެންމާކުގެ ޑެނިޝް ޑެއިލީ ޕޮލިޓިޝަން ނޫހަށް ދެއްވި ބަސްތީގަތުމެއްގައި ސޮވެންޑަލް ވިދާޅުވިއެވެ.
ކޮމެންޓް (0)
ލޯޑް ކުރަމުން...