ލިޔުނީ: އިސްމާއިލް އަފްރާހް
އިޓަލީގެ އަންހެނަކު މަގުމަތީ މޫނުބުރުގާ އަޅައިގެން އުޅުމުން 650 ޑޮލަރުން ޖޫރިމަނާކޮށްފިއެވެ.
އިޓަލީގެ ތާރީހުގައި ފުރަތަމަ ފަހަރަށް ކުރެވުނު މިޖޫރިމަނާ އަކީ އިޓަލީގައި ކާކުކަން ނޭނގޭގޮތަށް ހެދުންއެޅުން މަނާކުރާ ގަވައިދުގެ ދަށުން ކުރެވުނު ޖޫރިމަނާއެއްކަމަށް ކަމާއިބެހޭ ފަރާތްތަކުން ހާމަކުރެއެވެ. ޓިއުނީޝިއާއަށް އުފަން މިއަންހެން މީހާ އޭނާގެ ފިރިމީހާއާއި އެކު ކާރުގައި އިންދާ ފުލުހުން އައިސް ސުވާލުކޮށް އޭނާގެ މޫނު ދެއްކުމަށް ބުނިކަމަށާއި އެހެނަސް ފިރިހެން ފުލުހަކަށް މޫނު ދެއްކުމަށް އެ އަންހެން މީހާގެ ފިރިމީހާ ދެކޮޅުހެދުމުން އެތަނަށް އަންހެން ފުލުހުން ގެނެސް މޫނު ބެލިކަމަށްވެއެވެ.
އިޓަލީގައި މޫނު ބުރުގާ އެޅުން މަނާކޮށްފައިވާއިރު ބެލްޖިއަމްގައިވެސް ވަނީ މޫނު ބުރުގާ އެޅުން މަނާކޮށްފައެވެ. އަދި ފްރާންސުން ދަނީ މޫނު ބުރުގާ އެޅުން މަނާކުރުމަށް ތައްޔާރުވަމުންނެވެ.
ކޮމެންޓް (0)
ލޯޑް ކުރަމުން...