ލިޔުނީ : ޙަސަން ޝިޔާޒް
ރަމަޟާން މަހުގެ ކޮންމެ ދުވަހެއްގެ އަސްރު ނަމާދަށް ފަހު އިސްލާމިކް މިނިސްޓްރީން މާލޭ ސިޓީގެ މިސްކިތްތަކުގައި ބާއްވަމުން ގެންދާ ދަރުސްތަކުގެ ތެރެއިން 3 ރަމަޟާން 1432 (3 އޯގަސްޓް 2011) ދުވަހުގެ ދަރުސްތަކުގެ ތާވަލް ޢާއްމުކޮށްފިއެވެ.
މިގޮތުން ދަރުސްތަކުގެ ތާވަލް ހަމަޖެހިފައިވާ ގޮތް ތިރީގައި މިވަނީއެވެ.
ހުޅުމާލޭގައި ހުންނަ މަސްޖިދު މުޙައްމަދު ޤާސިމް ބިން އާލްޘާނީ ފިޔަވައި އެހެން މިސްކިތްތަކުގައި ދެއްވުމަށް ހަމަޖެހިފައިވާ ދަރުސްތަކުގެ މައުޟޫއަކަށް ކަނޑައެޅިފައި ވަނީ "ފިކުރީ އޮއިވަރުތަކުން ޒުވާނުން ހޭއަރާ ތިބުމުގެ މުހިންމުކަން" މިއެވެ. އަދި މަސްޖިދު މުޙައްމަދު ޤާސިމް ބިން އާލްޘާނީ ގައި ދެއްވުމަށް ހަމަޖެހިފައިވާ ދަރުސްގެ މައުޟޫއަކަށް ކަނޑައެޅިފައި ވަނީ "ރޯދަ އާއި އޭގެ ޙުކުމްތައް" މިއެވެ.
މިދަރުސްތަކުގެ ތެރެއިން އިސްލާމީ މަރުކަޒްގައި ބާއްވާ ދަރުސްގެ ރެކޯޑިންގ މާދަމާގެ އަސްރު ނަމާދަށް ފަހު އެމްއެންބީސީ ވަން އިން ފޮނުވުމަށް ވަނީ ހަމަޖެހިފައެވެ.
މިތާވަލަށް ބަދަލުތަކެއް އައުމަކީ އެކަށީގެންވާ ކަމެއް ކަމުގައި އިސްލާމިކް މިނިސްޓްރީން ބުނެއެވެ.
ކޮމެންޓް (0)
ލޯޑް ކުރަމުން...