ލިޔުނީ: އަލީ އަހްސަން
ނޭޓޯ ސިފައިން ބަޑިޖެހުމުން އަފްޢާނިސްތާނުގައި 4 މީހަކު ޝަހީދުވެ 18 މީހަކު ޒަހަމްވެއްޖެކަމަށް އަފްޢާން ސަރުކާރުން ކަށަވަރުކޮށްދީފިއެވެ.
ނޭޓޯގެ ގުޅިފައިވާ ލަޝްކަރުން މިހަމަލާ ދީފައިވަނީ އާންމު ބަހެއްގެ ކައިރީގައި ތިބި ބަޔަކަށްކަމަށް އަފްޢާން ސަރުކާރުން ހާމަކުރެއެވެ. މިހަމަލާގައި ކުޑަކުދިންނާއި އަންހެނުންނަށްވެސް ގެއްލުން ލިބިފައިވާ ކަމަށާއި ޒަހަމްވީ މީހުން މިލިޓަރީ ހަސްފަތާލަށް ގެންދެވިފައިވާ ކަމަށެވެ. މިހާތަނަށް ނޭޓޯގެ ލަޝްކަރުން މިހަމަލާއާއި މެދު އެއްވެސް އެއްޗެއް ބުނެފައި ނުވިނަމަވެސް އަފްޢާނިސްތާނުގެ ވެރިން ވަނީ މަހަމަލާ ވަރަށް ބޮޑަށް ކުށްވެރިކޮށްފައެވެ.
ގުޅިފައިވާ ލަޝްކަރުން އަފްޢާނިސްތާނުގައި ކުރަމުންދާ ހަނގުރާމައިގައި އާންމުންނަށް އަމާޒުކޮށް ހަމަލާތައް ދެމުންދާކަމަށް އަފްޢާން ސަރުކާރުންނާއި ތާލިބާނުންވެސް ބުނަމުންދެއެވެ. އެހެނަސް އެމެރިކާއިންނާއި ގުޅިފައިވާ ޤައުމުތަކުގެ ލަޝްކަރުތަކުން މިފަދަ ހާދިސާތައް ނަގަނީ 'ވަރަށް ފިނި' ގޮތަކަށެވެ.
ކޮމެންޓް (0)
ލޯޑް ކުރަމުން...