ބޮޑު ދެޕާޓީގެ ދެމެދުގައި، ހިނގި ހަމަނުޖެހުމުގެ ސަބަބުން ދަރުސް މެދު ކަނޑައިލައިފި

ލިޔުނީ: ޙުސައިން

މިރޭ ޖަމްޢިއްޔަތުލް ޙައިރުއާއި، އެމް.‫​ޑީ.‫​ޕީގެ އިސްލާމީ މަޝްވަރާ މަޖްލީހާއި ގުޅިގެން ހެދިގޮނޑުދަށުގައި ކުރިއަށްދިޔަ، ދީނީ ދަރުސް މެދުކަނޑައިލައިފިއެވެ.‫​ މިދަރުސް މެދު ކަނޑާލީ، ބޮޑު ދެޕާޓީގެ ދެމެދުގައި ހިނގި ހަމަނުޖެހުމުގެ ސަބަބުން، ދެޕާޓީގެ ސަޕޯޓަރުންގެ މެދުގައި، ހޫނުވެ، އެއްބަޔަކު އަނެއް ބަޔަކަށް، ކުރިމަތިލުން ހިންގައި، މިފަދަ ނުރައްކާތެރި ޙާލަތަކަށް ދިއުމުގެ ސަބަބުންނެވެ.‫​

ދެޕާޓީގެ ސަޕޯޓަރުންގެ މެދުގައި، އެއްބަޔަކު އަނެއްބަޔަކަށް ބަހުގެ ޚަމަލާތައް ހޫނުވެ، ތަނުގައި އަޑުގަދަވާންފެށުމުން، މިދަރުސްކުރިއަށް ގެންދެވި އައްޝައިޚް އަޙްމަދު ހައިޘަމްވަނީ ކުޑަވަގުތުކޮޅަކަށް މެދުކަނޑާލާފައެވެ.‫​ ނަމަވެސް ކުރީސަފުގައި ތިއްބެވި ބޭފުޅުންވަނީ އަތުގެ އިޝާރާތުން، ދަރުސް ކުރިއަށްގެންދެވުމަށް އަންގާފައެވެ.‫​ މިއިޝާރާތައް ޝޭޚް ދަރުސްކުރިއަށްގެންދަވަންފެށިތާ، މާގިނައިރެއްނުވަނީސް، ދެޕާޓީގެ ސަޕޯޓަރުންގެ މެދުގައި، ކުރިމަތިލުން ހިގައި، އެއްބަޔަކުއަނެއްބަޔަކަށް  އެއްޗިހި އުކަންފެށުމުން ވަނީ ދަރުސް މެދުކަނޑާލައިފައެވެ.‫​

ދެޕާޓީގެ ސަޕޯޓަރުންގެ މެދުގައި، ކުރިމަތިލުންހިގަން ފެށުމުން ފުލުހުންވަނީ މިކަން ހުއްޓުވުމަށް މަސައްކަތްކޮށްފައެވެ.‫​ ނަމަވެސް ދެޕާޓީގެ ސަޕޯޓަރުން ފުލުހުންގެ ވާޖިބަށް ހުރަސްއަޅައި، ތަނުގެ ޢަމާންކަށް ގެއްލުމުގެ ސަބަބުން،  ފުލުހުންވަނީ މިކަން ކޮންޓުރޯލުކުރުމަށްޓަކައި، ކަރުނަގޭސް ބޭނުންކޮށްފައެވެ.‫​ ކަރުނަގޭސް ބޭނުންކުރުމުގެ ކުރިން، ފުލުހުންވަނީ، ފުލުހުންގެ ވާޖިބަށް ހުރަސްއަޅާކަމުގައިވާނަމަ، ފުލުހުންނަށް ލިބިފައިވާ ބާރުގެ ބޭނުންކޮށްގެން ލިބޭއެއްވެސް ގެއްލުމަކަށް ޒިންމާނުވާނެކަމަށް އިޢުލާންކޮށްފައެވެ.‫​

ދެޕާޓީގެ ދެމެދުގައި، ހިނގި ކުރިމަތިލުންތަކުގައި، ބައެއް މީހުންނަށްވަނީ، ޒަހަމުތަކެއްވެފައެވެ.‫​ ޒަހަމުވި ޢާމުންގެ މީހުންނަށް ފަރުވާ ދިނުމަށްޓަކައި، ފުލުހުންގެ އެހީގައިވަނީ ހޮސްޕިޓަލަށްގެންގޮސް  ފަރުވާ ދޭންފަށާފައެވެ.‫​ މިހިނގި ކުރިމަތި ލުމުގައި ޢާންމުގެ މީހެއްގެ ލޯމަތިވަނީ ވަރަށް  ބޮޑަށް  ފަޅައިގެން ގޮސްފައެވެ.‫​

މިއީ މިފަހުގެ ތާޜީހެއްގައި، ރާއްޖޭގައި ކުރިއަށްގެންދިޔަ  ދީނީ ދަރުސެއް ވަކިބައެއްގެ މިފަދަ ޢަމަލުތަކުގެ ސަބަބުން މެދުކަނޑާލެވުނު ފުރަތަމަ ދަރުސެވެ.