ދިއިސްލާމް ޑެއިލީ
ކީރިތި ޤުރުއާނާއި ބެހޭ މަރުކަޒުން އިސްނަންގަވައިގެން، މާލޭގައި ގޭބިސީތަކުގައި މިވަޤުތު ހުރި ބާމުޞްޙަފުތައް އެއްކޮށް ، އެތަކެތި ރައްކާތެރިގޮތެއްގައި ނައްތައިލުމަށްޓަކައި، މި އޭޕްރީލް މަހުގެ 15 ވާ ހުކުރު ދުވަހު ހެނދުނު 8:00 ގައި މާލޭގައި އެކިސަރަޙައްދުތަކުގައި ޕިކަޕުތަކުން ޙަރަކާތްތެރިވާނެއެވެ.
މިމަސައްކަތުގައި އެހީތެރިވުމަށްޓަކައި ވޮލެންޓިއާކޮށް ޕިކަޕް އަދި ލޮރި ގެންގުޅުއްވާ ފަރާތްތަކުން ހިލޭސާބަހަށް މިފަދަ އުޅަނދުތަކުގެ އެހީވެދެއްވުމަށް މަރުކަޒުން އެދިވަޑައިގަންނަވައެވެ. އަދި ގެތަކުންވެސް ބާމުޞްޙަފުތައް އެއްކުރައްވައި އެދުވަހު އެގެއެއްގެ ތިރިއަށް ގެންނެވުމަށް ވެސް މަރުކަޒުން އެދިވަޑައިގަންނަވައެވެ. އަދި ބާމުޞްޙަފުތައް އެއްކުރުމުގައި ޤުރުއާން ތަރުޖަމާ ހަވާލުނުކުރުމަށް މަރުކަޒުން އެދެއެވެ.
މިބާމުޞްޙަފުތައް އަންދާލުމުގެ މަސައްކަތް ކުރިއަށްގެންދާނީ އެމްއެންޑީއެފް އިންނެވެ.
ކޮމެންޓް (0)
ލޯޑް ކުރަމުން...