މިލޮކްޑައުންގެ ތެރޭގައި މާލޭގެ 16 މިސްކިތްތެއްގެ ފަންކާތައް ވަގަށް ނަގައިފިއެވެ.
މާލޭ ސިޓީ ކައުންސިލަށް ޙަވާލާދެއްވާ ޕީއެސްއެމް ނިޔުސިން ވިދާޅުވާ ގޮތުގައި އެންމެ ފަހުން ވައްކަން ކުރެވިފައިވަނީ މަސްޖިދުލް ޢާދިލު (ނުވަތަ ދެބުރި މިސްކިތާއި) މާފަންނު ބޮޑޫ ގޭގައި ހަދައިފާ ހުންނަ ވަޤުތީ މިސްކިތުންނެވެ. މިގޮތުން ދެބުރި މިސްކިތުން އެމިސްކިތުގައި ބަންގި ގޮވުމަށް ބޭނުންކުރާ ކޯޑް މައިކެވެ. އަދި ބޮޑުގޭ މިސްކިތުން 11 ފަންކާ ވަގަށް ނަގާފައިވެއެވެ.
މީގެ އިތުރުން ދަރުމަވަންތަ މިސްކިތުން 3 މާފަންނު ޢީދު މިސްކިތުން 2 ފަންކާ ވަގަށް ނަގާފައިވެއެވެ. މިހުރިހާ މިސްކިތްތަކަކީވެސް ތަޅުލެވޭ ގޮތަށް ދޮރު ނުހުންނަ މިސްކިތްތަކެކެވެ. މިހުރިހާ ފަންކާތަކަކީވެސް ފާރުގައި ހަރުކުރާ ފަދަ ފަންކާއެވެ.
މާލޭ ސިޓި ކައުންސިލުން ވިދާޅުވާ ގޮތުގައި މިސްކިތްތަކުން ވައްކަން ކުރުމަކީ އަބަދުުވެސް ދިމާވަމުން އަންނަ މައްސަލައެކެވެ. އަދި މިމައްސަލަ މިހާރު ދަނީ ފުލުހުންނާއި ގުޅިގެން ތަޙްޤީޤު ކުރެވެމުންނެވެ.
ކޮމެންޓް (0)
ލޯޑް ކުރަމުން...