ކޮވިޑް-19 އާއި ގުޅިގެން ރާއްޖެއިން ބޭރުގައި ޙާލުގައި ޖެހިފައި ތިބި ދިވެހިންނަށް ޒަކާތު ފަންޑުން 3މިލިއަން ރުފިޔާ ޙަރަދު ކޮށްފައިވާ ކަމަށް އިސްލާމިކް މިނިސްޓަރ ޑރ އަޙްމަދު ޒާހިރު ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގްރާމްގައި ވާހަކަ ދައްކަވަމުން އިސްލާމިކް މިނިސްޓަރ ވިދާޅުވެފައިވަނީ ރާއްޖެއިން ބޭރަށް ގޮސް ޙާލުގައި ޖެހިފައި ތިބި މީހުންނަށް ކޮވިޑް-19 އާއި ގުޅިގެން އެހީތެރިވުމަށްޓަކައި ސަރުކާރުން ވަރަށް ގިނަ މަސައްކަތް ތަކެއް ކޮށް ވަރަށް ގިނަ ފައިސާތަކެއް ޙަރަދުކުރަމުން ދާކަމަށެވެ. އަދި އިތުރަށް މިނިސްޓަރ ޒާހިރު ވިދާޅުވެފައިވަނީ ޙާލުގައި ޖެހިފައި ތިބި މީހުނަށް ކޮންމެވެސްވަރެއްގެ ސަޕޯޓެއް ދިނުމުގެ ގޮތުން ޒަކާތު ފަންޑުން މިހާތަނަށް 3މިލިއަން ރުފިޔާ ޙަރަދުކޮށްފައިވާ ކަމަށެވެ.
ޒަކާތު ފަންޑުން ޙަރަދު ކުރަނީ ޒަކާތު ފަންޑާ ގުޅޭ ކޮމިޓީއާއި އެޑްވައިޒަރީ ބޯޑުން ހުއްދަދޭ ކަންކަމަށް ކަމަށް އިސްލާމިކް މިނިސްޓްރީ އިން ބުނެއެވެ. އަދި މިދެ ކޮމެޓީގައިވެސް ދީނީ ޢިލްމު ވެރިން ހިމެނޭކަމަށް ވެސް މިނިސްޓްރީ އިން މަޢުލޫމާތު ދީފައިވެއެވެ.
ކޮމެންޓް (0)
ލޯޑް ކުރަމުން...