ލޮބުވެތި ރައްޔިތުން ކެތްތެރިކަމާއިއެކު ގޭގައި މަޑުކޮށްދެއްވުމަށް ޝެއިހް އިލްޔާސް ޙުސެއިން ވިދާޅުވެއްޖެއެވެ.
ޝެއިޙް މިހެން ވިދާޅުވީ ކުރައްވާފައިވާ ޓްވީޓެއްގައެވެ. މިޓްވީޓްގައި ޝެއިހް ވިދާޅުވެފައި ވެއެވެ. ކޮވިޑް-19އިން ސަލާމަތްވުމަށް އަޅަން ޖެހޭ ހުރިހާ ސަލާމަތީ ފިޔަވަޅެއް އަޅައިގެން މެނުވީ މަޤަޞަދު ހާސިލްވުމެއް ނެތެވެ. އިތުރަށް ޝެއިޙް ވިދާޅުވެފައިވެއެވެ. "ބޮޑުވަރުވުމުގެ ކުރިން އަވަސް ފިޔަވަޅު އެޅުއްވުމަށް ކަމާއިބެހޭ ފަރާތްތަކަށް ގޮވާލަން"
އަދި ޝެއިޙް ރައްޔިތުނަށް މެސެޖެއްގެ ގޮތުގައި ވިދާޅުވެފައިވެއެވެ. "ލޮބުވެތި ރައްޔިތުން ކެތްތެރިކަމާއިއެކު ގޭގައި މަޑުކޮށްދެއްވުމަށްވެސް ދަންނަވަން"
މިފަދަ ޙާލަތެއްގައި ޢުލަމާއުންނާއި ކަމާއިބެހޭ ސިއްޙީ މާހިރުން ދެއްވާ އަގުހުރި އިރުޝާދުތަށް އަޑުއަހައި ކެތްތެރިކަން އިސްކުރުމަކީ ސަރުކާރަށް ރައްޔިތުނަށް ދެވޭ އެއްބާރުލުމަކަށް ވާނެއެވެ. އަދި ތިމާގެ މުސްލިމް އަޚާ އަށްޓަކައި ކޮށްދދެވޭ ހެޔޮކަމަކަށްވާނެއެވެ.
advertisment
ޚިޔާލު