ރައްޔިތުން މަޖްލީހުގެ މިއަހަރުގެ ތިންވަނަ ދައުރުގެ ޖަލްސާތައް ނިންމާލާ ޙާޟިރީ ރިޕޯޓް އާއްމުކުރިއިރު މިދައުރުވެސް މަޖްލީހުގެ ޖަލްސާތަކަށް އެންމެ މަދުން ޙާޟިރުވެފައިވަނީ މީދޫ ދާއިރާގެ މެމްބަރ އަހުމަދު ސިޔާމް މުހައްމަދުކަން ހާމަވެއްޖެއެވެ.
އެގޮތުން މިދައުރުގެ 23 ޖަލްސާއެއް ބާއްވާފައިވާއިރު ސިޔާމް ޙާޟިރުވެފައިވަނީ 9 ޖަލްސާއަށެވެ. 14 ޖަލްސާއަށް ޙާޟިރެއް ނުވެއެވެ.
ސިޔާމްއާއެކު މިފަހަރު ޙާޟިރީގެ ފުލަށްދެން ދިޔައީ ތުޅާދޫ ދާއިރާގެ މެމްބަރ ނާޒިމް ރަޝާދުއެވެ. އެގޮތުން ނާޒިމްވެސް 14 ޖަލްސާއަށް ޙާޟިރުނުވާއިރު ހާޟިރުވެފައިވަނީ 9 ޖަލްސާއަށެވެ.
މީދޫ ދާއިރާގެ މެމްބަރ މިއަހަރުވެސް ފާހަގަކުރެވިފައިވަނީ މަޖްލީހުގެ ޖަލްސާތަކަށް އެންމެ މަދުން ޙާޟިރުވާ މެމްބަރެއްގެ ގޮތުގައެވެ. އެގޮތުން މިއަހަރުގެ ފުރަތަމަ ދައުރުގައި ބޭއްވި 11 ޖަލްސާގެ ތެރެއިން 9 ޖަލްސާއަކަށް ޚާޟިރުވެފައި ނުވާއިރު 2 ވަނަ ދައުރުގެ އެއްވެސް ޖަލްސާއަކަށް ޙާޟިރެއް ނުވެއެވެ.
ކޮމެންޓް (0)
ލޯޑް ކުރަމުން...