ތިން ލައްކަ ރުފިޔާގެ އިނާމާއެކު އެސްޓީއޯ "ރަމަޟާން ބާޒާރު" ފަށައިފި

އަގުހުރި އިނާމްތަކާއި އެކު އެސްޓީއޯ ހޯމް އިމްޕްރޫވްމަންޓުގެ "ރަމަޟާން ބާޒާރު" ފަށައިފިއެވެ.

ރޯދަ މަހަށް ޚާއްސަކޮށްގެން އެސްޓީއޯއިން ކޮންމެ އަހަރަކުވެސް ބާއްވަމުން އަންނަ ރަމަޟާން ބާޒާރުގައި މިއަހަރު ހިމަނާފައިވާ އިނާމްތަކުގެ ފައިސާގެ ޢަދަދު ތިން ލައްކަ ރުފިޔާއަށް އަރައެވެ.

އާދީއްތަދުވަހުގެރޭ އެސްޓީއޯ ހޯމް އިމްޕްރޫވްމަންޓުގައި ބޭއްވި ރަސްމިއްޔާތުގައި އެ ޕްރޮމޯޝަން އިފްތިތާހު ކޮށްދެއްވީ އެ ކުންފުނީގެ ޗީފް ފައިނޭންޝަން އޮފިސަރު، މުހައްމަދު ނިހާދު އެވެ.

މި ޕްރޮމޯޝަންގައި ކުރާ ކޮންމެ އެއްހާސް ރުފިޔާގެ ވިޔަފާރިއަކަށް ކޫޕަނެއް ލިބޭނެއެވެ. އަދި ކޮންމެ ހަފުތާއަކު ގުރުއަތުން ހޮވޭ ފަރާތަކަށް އިނާމް ދިނުމުގެ އިތުރުން، ޕްރޮމޯޝަންގެ މުއްދަތު ނިމުމުން ނަގާ ލަކީ ޑްރޯގައި އަގު ހުރި އިނާމްތަކެއް ދިނުމަށް ހަމަޖެހިފައިވާވެއެވެ.

ޖޫންމަހުގެ އަށަކާއި ހަމައަށް ކުރިއަށްދާ މިޕްރޮމޯޝަން މާލޭގައި ހުންނަ އެސްޓީއޯ ހޯމް އިމްޕްރޫވްމަންޓުގައާއި، އަތޮޅު ތެރޭގައި ހުންނަ އެކުންފުނީގެ ފިހާރަތަކުގައި ކުރިއަށްގެންދިޔުމަށް ވަނީ ހަމަޖެހިފައެވެ.

މިޕްރޮމޯޝަންގެ ގްރޭންޑް ލަކީ ޑްރޯއިން ހޮވާލެވޭ ފުރަތަމަ ފަރާތަކަށް އިތުރު ބޭފުޅަކާ އެކު ބެންކޮކް ދެކޮޅު ޓިކެޓާއި ހޯމް އިމްޕްރޫވްމަންޓުގެ ފަރާތުން 50،000 ރުފިޔާގެ ތަކެތި ހަދިޔާ ކުރަން ނިންމާފައިވާއިރު ދެވަނަ އަށް ހޮވޭ ފަރާތަކަށް މޯލްޑިވިއަން އިން ހުށަހަޅާފައިވަނީ އެއް ބޭފުޅަކަށް ޗެންނާއި ދެކޮޅު ޓިކެޓެވެ. އެއާ އެކު ހޯމް އިމްޕްރޫވްމަންޓުން 30،000 ރުފިޔާގެ ތަކެއްޗެވެ. ތިން ވަނަ އިނާމަކީ އަދާރަން ހުދުރަންފުށީގައި ދެ ދުވަހުގެ ހުރުމެވެ.