އަދާލަތު ޕާޓީގެ ރައީސް ޝައިހް އިމްރާން އަބްދުﷲ 12 އަހަރަށް ޖަލަށް ލުމަށް ކްރިމިނަލް ކޯޓުން ކޮށްފައިވާ ހުކުމުގެ އިސްތިއުނާފު އަޑުއެހުންތައް ހައިކޯޓުން މިއަދު ނިންމާލައިފިއެވެ.
ގިނަ ދުވަސްތަކެއްގެ މެދުކެނޑުމަކަށްފަހު މިއަދު ބޭއްވި އަޑުއެހުމުގައި ފަނޑިޔާރުންގެ ބެންޗުން ވިދާޅުވެފައިވަނީ އިތުރުކަމެއް ސާފުކުރަން ބޭނުން ނޫންނަމަ ދެން އޮންނާނީ އިސްތިއުނާފު މައްސަލައިގެ ހުކުމް ކުރުން ކަމަށެވެ.
މެއި، 2015 ގައި އިދިކޮޅު ފަރާތްތަކުން ބޭއްވި މުޒާހަރާގައި ހަމަނުޖެހުމަށް ހިތްވަރު ލިބޭ ގޮތަށް ވާހަކަ ދެއްކެވުމުން ޓެރަރިޒަމްގެ ކުށް ސާބިތުވާ ކަމަށް ނިންމައި، ޝައިޚް އިމްރާން 12 އަހަރަށް ޖަލަށްލާން ކްރިމިނަލް ކޯޓުން ކުރި ހުކުމުގެ އިސްތިއުނާފް އަޑުއެހުން އެންމެ ފަހުން ބޭއްވީ މިދިޔަ އަހަރުގެ އޭޕްރީލް މަހު އެވެ.
މިދިޔަ އަހަރުގެ މެދު ތެރެއިން ފެށިގެން އިމްރާން ހުންނަވަނީ ގޭ ބަންދަށް ބަދަލުކޮށްފައެވެ. އިމްރާން ގޭ ބަންދަށް ބަދަލުކުރީ ޖަލުގެ މަރާމާތުތަކެއް ކުރަމުންދާތީއެވެ
ކޮމެންޓް (0)
ލޯޑް ކުރަމުން...