މައްކާއިން ޝަފީޢު ޢަބްދުﷲ
15 ނޮވެމްބަރު 2011، މިއަދު ހަވީރު މައްކާ ގަޑިން 06.40 ގައި ދިވެހި ޙައްޖުވެރިންގެ ފުރަތަމަ ފްލައިޓް މާލެ ދިއުމަށްޓަކައި ޖިއްދާގެ ވައިގެ ބަނދަރުން ފުރާނެއެވެ.
މި ފްލައިޓުން ޖުމްލަ 175 ދިވެހި ޙައްޖުވެރިން މާލެ ދިއުމަށްޓަކައި ފުރާނެއެވެ. އެއީ އަލްޚައިރާއި އަލްބަޓްރޮސް ޖަމާޢަތުގެ ޙައްޖުވެރިންގެ ފުރަތަމަ ފްލައިޓެވެ. މި ދެ ޖަމާޢަތުގެ ދެވަނަ ފްލައިޓް އޮންނާނީ މި މަހުގެ 18 ވަނަ ދުވަހުއެވެ.
މިއަދު ޖިއްދާގެ ވައިގެ ބަނދަރުން ފުރާ ފްލައިޓް އިބްރާހީމް ނާސިރު ވައިގެ ބަނދަރުގައި ޖައްސާނީ 16 ވަނަ ދުވަހު ދަންވަރު 02.05 ގައެވެ.
އަދި 16 ވަނަ ދުވަހު މަލީޝާ ޖަމާޢަތުގެ ޙައްޖުވެރިން މާލެ ދިއުމަށްޓަކައި ފުރާނެކަމަށް ޙައްޖު މިޝަނުގެ ރައީސް އައްޝެއިޚް މޫސާ އަންވަރު ދިއިސްލާމްއަށް މަޢުލޫމާތު ދެއްވައެވެ.
ޚިޔާލު