އިސްލާމިކް މިނިސްޓާރ މުހައްމަދު ޝަހީމް އަލީ ސައީދު | ފޮޓޯ: ދިއިސްލާމް
ޒަކާތު ފަންޑުން ސްކޮލަޝިޕަށް އެދުނު ކުދިން ޝޯޓްލިސްޓުކުރުމުގައި ކޮރަޕްޝަން އުޅޭކަމަށް ބުނެ އޭސީސީއަށް ހުށަހެޅި މައްސަލައާއި ގުޅޭގޮތުން އެކޮމިޝަނުން ނެރުނު ބަޔާނުގައިވާ ކަންތައްތަކާއިމެދު ގޮތެއް ނިންމާނީ ޒަކާތާއިބެހޭ މަޖިލީހުންކަމަށް އިސްލާމިކް މިނިސްޓާރ މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
އޭސީސީ އިން ނެރުނު ބަޔާނުގައި ވަނީ ސްކޮލަޝިޕް ދިނުމުގައި ކޮރަޕްޝަންގެ އަމަލެއް އެއްވެސް ފަރާތަކުން ހިންގާފައިނުވާ ކަމަށެވެ. ނަމަވެސް ސްކީމް ބައްޓަންވެފައި އޮތީ އެހީ ލިބުން އެންމެ ހައްގުވާ ފަރާތްތައް ވެސް މަހްރޫމްވާގޮތަށްކަން ފާހަގަކޮށް، ޒަކާތުގެ މަގުސަދު ހާސިލްވާނެ ހެން ކުރިއަށް ގެންދިއުމަށް އިސްލާމިކް މިނިސްޓްރީ އާއި ހަޔަ އެޑިއުކޭޝަނަށް އޭސީސީ އިން ވަނީ އަންގާފަ އެވެ.
މިކަމާ ގުޅިގެން ދިއިސްލާމަށް މައުލޫމާތު ދެއްވަމުން މިނިސްޓަރ ޝަހީމް އިތުރަށް ވިދާޅުވީ އޭސީސީ އިން ފާހަގަކޮށްފައި ވާކަންތައްތައް މިހާރު ޒަކާތާއި ބެހޭ މަޖިލީހަށް ހުށަހަޅައިފައި ވާނެކަމަށެވެ. އަދި މިކަމާއި ބެހޭގޮތުން ގޮތެއް ނިންމާނީ ޒަކާތާއި ބެހޭ މަޖިލީހުން ކަމަށް މިނިސްޓަރ ވިދާޅުވިއެވެ.
advertisment
ރާއްޖޭގެ މާލީ ނިޒާމުގައި އުފެދިފައިވާ މައްސަލަތަކުގެ ސަބަބުން ދައުލަތާއި ކުންފުނުތަކާއި، ފަރުދުން ދަނީ ބަންގުރޫޓު ވަމުން، ދައުލަތާއި ކުންފުނިތަކުން މަހުމުސާރަ މުވައްޒަފުންނަ ދީފަ އިތުރަށް ދޭނެ ފައިސާއެއް ގިނަފަހަރު މަސްނިމޭއިރަކު ނުހުރޭ، ދެން ކިހިނެއްތޯ ޕެންޝަންފައިސާ ދެނީ ގިނަފަހަރު ދަރަނިން ދައުލަތާއި ކުންފުނިތަށްވެސް ހިންގަނީ، ޓެކުސްގެ ނިޒާމުގެ ސަބަބުބް މުދަލާއި ބާޒާރުގައި މުދަލުގެ އިހުތިކާރު އުފެދު، މުދަލުގެ އަގުބޮޑުވެ ގަތުން މަދުވެ ސަޕުލައި މަދުވުމުގެ ސަބަބުން ވިޔަފާރި ދައްވެ ޓެކުސްލިބުން މަދުވެ ވިޔަފާރިވެސް ބަންގުރޫޓުވާ ހިސާބަތްވެސް އެބަދޭ، މިހުރިހާ ކަމެއްގެ ހައްލަކީ ދައުލަތުގެ މާލީ ނިޒާމު އިސްލާމީ އުސޫލުން ބައްޓަންކުން އިސްލާމިކު ފައިނޭސް، އިސްލާމިކް އިޤުތިސާދެއް ބާޒާރުގައި އުފެދުން، ބައިތުލް މާލުގެ ޒަކާތުގެ ނިޒާމު ހަރުދަނާކުރުން، ދަްުލަތުގެ މުދާ ދައުލަތަށް ފައިދާ ހުރިގޮތަށް އިންވެސްޓުކޮށް އިސްތިސްމާރުކުރުން!