ލިޔުނީ: އައިޝާ ޝަހޫ
ދިވެހި ރާއްޖޭގެ ފުރަތަމަ އިސްލާމިކް ބޭންކް އަންނަ އަހަރު ޖެނުއަރީ މަހު ހުޅުވުމަށް ހަމަޖެހިފައިވާކަމަށް މެލޭޝިޔާގެ އިސްލާމިކް ބޭންކުން ހާމަކޮށްފިއެވެ.
މެލޭޝިޔާގެ އިސްލާމިކް ބޭންކުން ހާމަކޮށްފައިވާގޮތުގައި "އިސްލާމިކް ބޭންކުން ތިން އަހަރު ދުވަހުގެ ތެރޭގައި ދިވެހި ރާއްޖޭގެ ލޯކަލް މާކެޓްޝެއާގެ 25 ޕަސަންޓު ކަވަރު ކުރުމަށް މަސައްކަތް ކުރާނެކަމަށާއި މަސްވެރިކަން ކުރުމަށް އެހީވުމަށް ވެސް ލޯނު ދޫކުރުމަށް ނިންމާފައިވާ" ކަމަށެވެ. މެލޭޝިޔާގެ އިސްލާމިކް ބޭންކުން މިފަދައިން ހާމަކޮށްފައިވަނީ މިދިޔަ ހަފްތާގައި ދަ ސްޓާ ނިއުސްގައި އިސްލާމިކް ބޭންކިން އެންޑް ފައިނޭންސް އިންސްޓިޓިއުޓު މެލޭޝިއާ (އައިބީއެފްއައިއެމް) އާއި ހަވާލާދީ ޝާއިއުކޮށްފައިވާ ހަބަރެއްގައެވެ.
އެނޫހުގައި އިތުރަށް ހާމަކޮށްފައިވާ ގޮތުގައި އިސްލާމިކް ބޭންކުން ރީޓެއިލް ބޭންކިންނާއި މޯގޭޖް ގޮތުގައި ލޯނު ދޫކުރުމަށް ނިންމާފައިވާކަމަށެވެ.
މިދިޔަ ހަފްތާގައި މޯލްޑިވިސް އިސްލާމިކް ބޭންކާއި މެލޭޝިޔާގެ އިސްލާމިކް ބެންކާއި ދެމެދު އެއްބަސްވުމުގައި މިދިޔަ ހަފްތާގައި ވަނީ ސޮއިކޮށްފައެވެ.
ކޮމެންޓް (0)
ލޯޑް ކުރަމުން...