ލިޔުނީ : ޙަސަން ޝިޔާޒް
ދިވެހިރާއްޖޭގެ ޤައުމީ ޔުނިވަރސިޓީގެ ފެކަލްޓީ އޮފް ހެލްތް ސައިންސް (އެފްއެޗްއެސް) ގައި ކިޔަވާ ދަރިވަރުން އިންތިޒާމްކޮށްގެން އައްޝައިޚް އިލްޔާސް ޙުސައިންގެ ޚާއްޞަ ދަރުސެއް ބޭއްވުމަށް ހަމަޖައްސައިފިއެވެ.
މިކަމުގައި އިސްކޮށް އުޅުއްވާ އެފްއެޗްއެސްގެ ދަރިވަރަކު ދިއިސްލާމަށް މަޢުލޫމާތު ދެއްވި ގޮތުގައި މިދަރުސް އޮންނާނީ ޖުލައި 27 ވާ ބުދަ ދުވަހުގެ ރޭ 20:30 ގައި އެފްއެޗްއެސްގެ ކޮންފަރެންސް ހޯލުގައެވެ. ޝައިޚް ދަރުސް ދެއްވާނީ "ތަޢުބާވުމަށް މަގެއް" މި މައުޟޫއަށެވެ.
މިދަރުސް އަށް އެ ޔުނިވަރސިޓީގެ ދަރިވަރުންނަށާއި ލެކްޗަރަރ އިންނަށް ދަޢުވަތު އަރުވާފައިވާ ކަމަށް އެފްއެޗްއެސްގެ ދަރިވަރު ވިދާޅުވިއެވެ. ޤައުމީ ޔުނިވަރސިޓީގެ ދަރިވަރުން އިސްނަގައިގެން މީގެ ކުރިންވެސް އެކި ޢިލްމުވެރިންގެ ދަރުސްތައް ބާއްވާފައިވެއެވެ.
މިމަހު 19 ވަނަ ދުވަހުގެ ރޭ އިސްކަންދަރު ސްކޫލްގެ ދަރިވަރުންނާއި ބެލެނިވެރިން އަދި މުދައްރިސުންނަށް ޚާއްޞަކޮށްގެން ވެސް ޝައިޚް އިލްޔާސް ޙުސައިންގެ ދަރުސެއް ބާއްވާފައި ވެއެވެ.
ކޮމެންޓް (0)
ލޯޑް ކުރަމުން...