ލިޔުނީ: އަލީ އަހްސަން
'ޖަމިއްޔަތުލް މުސްލިހީން'ގެ ހިންގާ ކޮމެޓީ ވަރަށް އަވަހަށް އެކުލަވާލެވޭނެކަމަށް އެޖަމިއްޔާއިން ހާމަކޮށްފިއެވެ.
'މުސްލިމެއްގެ ގޮތުގައި ނޫނީ މަރުވެ ނުދާށެ!' މިމޮޓޯގެ ދަށުން ކުރިއަށްދާ މިޖަމިއްޔާއަކީ 22 ފެބްރުއަރީ 2010 ގައި ހޯމް މިނިސްޓްރީގައި ރަޖިސްޓްރީކޮށްފައިވާ ޖަމިއްޔާއެކެވެ. ޖަމިއްޔަތުލް މުސްލިހީންގެ ފަރާތުން މިހާތަނަށް ދެ ދަރުސް ބާއްވާފައިވެއެވެ. އެގޮތުން ޝެއިހް ފަރީދުގެ ދަރުސްއެއްވެސް މިޖަމިއްޔާގެ ފަރާތުންވަނީ ބާއްވާފައެވެ.
ބ. އަތޮޅުގައި ދީނީ ހޭލުންތެރިކަން އިތުރުކުރުމުގެ މާތް މަޤްސަދުގައި ވުޖޫދަށް އައި މިޖަމިއްޔާއިން ބ. އަތޮޅުގެ އެކި ރަށްތަކަށް ޝެއިހުން ގެނެސް ދަރުސްތައް ބޭއްވުމަށް ހަމަޖެހިފައިވާކަމަށް ޖަމިއްޔާގެ އިސް ފަރާތަކުން ދިއިސްލާމްއަށް ހާމަކުރެއްވިއެވެ.
ބ. އަތޮޅު ކަމަދޫގެ މުއައްސިސުންނަކީ އަލީ އިސްމާއިލް، އަލީ ފިރާގް، ހުސެއިން ފައިސަލް، ސުހައިލް ހުސެއިން، އަބްދުލް ވާހިދު، އަބްދުލް ލަތީފު އަދި އަބްދުލް ފައްތާހްއެވެ.
ކޮމެންޓް (0)
ލޯޑް ކުރަމުން...